اشكر كل من اهتم بالبوست الي طاف .. وآرائكم كلها (على راسي) واتمنى انكم استفدتو شي ولو بالبسيط
اليوم ودي اكتب لكم شعر .. واحب ابدي بقصيده من قصايدي الي انا ألفتها وكتبتها .. واهي تحمل معاني وايد كبيره بالنسبة لي لاني عشت هالقصه وحبيت اشرحها عن طريق ابياتي الشعريه واتمنى انها تعجبكم .. انا ما عجبتني كثر ما عورت قلبي هذي مشاعر حسيت فيها :)
اقروها وعطوني رايكم .. وقولو شنو الي عجبكم فيها وشنو انتقادكم لها
( غـــصــة )
غصــــة في قلبي .. ذقتــها يومـــك اقــفيـت
عــيت تروح .. وحالــفه مـــا اعـــديـــها
الحــين يوم اني عــــلى الحـــب كــفـــيــت
انــهــيت قصــه مــا مــداك تـــبديـــهـــــــا
أجـــــــل يــوم ان بــخواطــــرك رديــت
لـــــــــيه اتــعنـا تفـــسرها وتحـــكيــــها؟؟
وأنا على النـيــه فـيـك رحــبت وحــييـــت
مــاكنــــت خـابـرتك فعـــــلا تســويـها
جيتك على كـــــــيفك.. عطيت ومديــت
وارهنـــت لك روحـي ودي تخــــاويـها
نــاديــتني واقبـلــتــ لـك فزيـت وهليـت
حــــتى جروحــك ما تكـاثرت اداويـها
!!اذكـر اجــي كل ما حســيت وحنـيـــت
!!واذكــــر تقــول يا ناس احبـها واغليــها
وهـــي غايــتي ما قبلــها قد ولبـــيــت
كــــل العطـــــايــا تـــفديها وتبليــــــها
وارتــحت لـي يعــني ،،يعـنـني حــبيت
وتقـــول في نفســـك بكــــره اخلــــيها
ليتـــك قـــبل مارحت عـني وصــديت
فــــكــرت بــالـــي مـا تفــكر تــلاقـــيها
وادركـــتني كـل ما علــى البـال مريــت
صـعبه علــي، وشـلون مثـلي تعديـها ؟؟
ضيقــت خلـقي ومـنك بالحـيل مليــــت
الله حســـيبك بـس دام هــذي تــــــاليـها
جـانك على نبـض الاحسـايــس اقســيت
وانــــا بطــــباعي ما تعــــودت أعنــيها
والله مــــدري لــيه وقـــفت وعييـــــت ؟؟
وحلفت انـــي لـــك ماراح اعديــــــــها؟؟
يـــــاخـــي خسـاره فيــك كل ما تعنــيت
روح وتـــوكل عــــسى الله يمشيـــــــــها
مــــاني نصـيبك وخيــرتي يومـك اقفيـــت
قرصــــــت نفـــــــسي من امثـــالك تجـاريها
ماعــــــــقـب هذا الوقـــت بــــقول ياليــــت
بصـــــبر وروحي اليــوم ربك يراضيها
وسلامتكم
16 comments:
صح لسانج (((:
واقوى شي
غصــــة في قلبي .. ذقتــها يومـــك اقــفيـت
عــيت تروح .. وحالــفه مـــا اعـــديـــها
----
جيتك على كـــــــيفك.. عطيت ومديــت
وارهنـــت لك روحـي ودي تخــــاويـها
نــاديــتني واقبـلــتــ لـك فزيـت وهليـت
حــــتى جروحــك ما تكـاثرت اداويـها
نبارك لأنفسنا هذه المدونة المتميّزة ..
أتمنى أن تكون متميّزة كتميّز أصحابها ..
وأن تكون درّة ناصعة في عقد المدونات الكويتية
بداية رائعة وقدوم جميل ..
هنيئاً لنا جميعاً بهذه العروس
_________
ماعقب هذا الوقت بقول ياليت
بصبر وروحي اليوم ربك يراضيها
صح لسانج
صح لسانج
:)
الغاليه بكيفي :)
أعجبتني جدا أبياتك الرائعه وما تحملها من معاني مميزه ونبضات مشاعر تفجرت بها هذه الحروف
تقبلي خالص اعجابي بمهذا البوست
بانتظار جديدك :)
ثانكيو يعقوب صح بدنك الله يعطيك العافيه ومن ذوقك وحياك الله
الحارث بن همام ما قصرت يا خوي انا والله مستمتعه جدا معاكم وبكل شي كتبتوه وعبرتو عنه
والله يحيك وانشالله اكون على قد المعقول
كويتيه حساويه بعد عمري مشكوره وحياج الله
والطيبه ذبحتني من طيبج يالغاليه ما تقصرين وحياج الله :)))
يعطيج العافية
صراحة ماافهم كثير في الشعر, بس الي قريته عجبني!
و بشكل عام احب الشعر الي بالعربي الفصحة, احسه احسن و يعبر بشكل افضل!
الله يعافيك فتى الجبل
محمد شكرا والشعر العربي عشقي
فعلا روعة يا قمر
تحياتى
خوش أبيات
صح لسانك
وتسلم الايادي
كثير حلوة الكلمات
ننتظر المزيد
بفارغ الصبر
شكرا للجميع وهذا من ذوقكم
لول ما افهم في الشعر ولا شي
بس لازم اقولج
صح لسانج:p
اذكـر اجــي كل ما حســيت وحنـيـــت
!!واذكــــر تقــول يا ناس احبـها واغليــها
صح لسانك
اذكر اجي هذا المقطع بالذات فيه تصوير عجيب
اللـــه
حيل اعجبتني
صح لسانج :)
Post a Comment