فعلا ... يستحق الشاعر كلمة ( صح لسانك) ولو في كلمة أكبر من جذي جان قلناها وكرمناه فيها
يالله شنو احب الشعر الي يحمل معاني تأثر فيني يالله هالشعر شلون الله وهبه حق ناس وصاروا موهبين فيه والله عجيب الانسان لما يكون شاعر ولما تحضره كلمات يستصعب حضورها على غيره هذي قدره جميله
مرات افكر اقول شلون قدر يجيب هالبيت شلون قدر هالشاعر يركبه وينسقه شنو هالمشاعر الي عنده وانا استهوي نوع من الشعر واهوا الي يحمل حكمه كل بيت فيه حكمه اعشق التفكير فيييه
واحب القوافي في الشعر لانها تعطيه حقه سواءا كان الشعر بالغة العربيه او العاميه
ونتقد نوع معين من الشعر واهوا النثر مادري امل منه اهوا صج يحمل مشاعر ولكن ما تأثر فيني
على يوم بنقل لكم اشعار جميله وافرق بين انواع الشعر وكل ما يتعلق بالشعر
6 comments:
مرحبا و سهلا
صح لسانك
صح بدنك
هذا مايرد على اي شاعر بعد القاء شعره
الشعر موهبة من الله
مثل لاعب الكوورة كلنا نقدر نلعبها بس في ناس محترفين تقولين طالعين من بطون
امهاتهم يشوتون كوورة
سعدت كثيرا بمشاهدة ردك في مدونتي المتواضعة
أجمل شي في الدنيا الشعر وبكل أشكاله وصوره
لأنه ينقل احساس وتجارب الآخرين
عجبني الكلام اللي في البروفايل
قمــة السعاده لما أتكــلم بثقـة وبحريـة مطلقة وأعبر عن كل الي في بـــالي "بكــيفـي" وقمــة المرح لما يشاركني التعبير انسان حر
احترم الانسان اللي ما يحط لنفسه قيود
:)
بداية موفقة ونتمنى لكم الاستمرار والتواصل
ودمتم بحب وود
kkkkkkk حلوه طالعين يشوتون كور
مادري شدخل الشعر بالكره بس ماعليه كل شي الحين داخل في بعضه
ذكرتني بتعليق كتبته عند وحده ماذكر منو اهيا كانت تقول عن الشرطي
جان اقولها الشرطي مثل الدكتور لوول ولله ليلحين ناقده على ننفسي شكو قلت لها جذي مادري
عموماااا اشكرك وحياك الله انته بعد
ثانكيووووو بعد عمري sologa
والله من ذوقج وياحياج الله هذي الساعه المباركه
وتسلمين
اي نعم الشعر احساس وكذب
لان المثل يقول اجمل الشعر اكذبه
بس مايزال الشعر جميل
نتمنى ان نعرف بالمستقبل اجمل الاشعار بالنسبة لكي .... استمري
هناك ابيات شعر تفهمين مضمونه بسرعه ومنه من يتميز بفن يميزه عن غيره باختياره لحروفه وكلماته ويكون هناك مقصد من بين السطور ستعرفينه
والشعر منه انواع عديده وبحوره كبيره سرعان ماتغوصين به
نتمنى ان نقرأ نثر حروفك قريبا
Post a Comment